mo2menlord
  
العمر : 20
سجّل في : 20 يوليو 2008
عدد المساهمات : 9
العمل/الترفيه : قسم ادارة مشروعات
 |  موضوع: هى الناس فين....!!!!  الأربعاء يوليو 23, 2008 2:11 am | |
| ايه يا جماعة الفراغ اللى فى المنتدى ده  
مفيش حد خالص كده  !!!
ازااااااااااااااى؟؟؟
ولا يمكن الناس تكون بتصيف وانا مش واخد بالى
ولا انا وقعت فى صحرا ولا ايه
ولا على اساس ان النت فاصل فى الصيف 
ده انا قريت الاحصائيات اندهشت دهشة  !!!
ده انا جالى اندهاش فى الذاكرة
اكبر عدد من الاعضاء كانوا موجودين فى وقت واحد كانوا 6 ومن سنيييييييين
ده انا بدخل المنتدى بلاقى نفسي لوحدى بطلع تانى 
امال منتدى ازاى؟؟!!
لاء كده مش هينفع على فكرة شوفوا حل للموضوع ده
أنا مستنى حد يرد عليا وحاسس انى مش هلاقى مش عارف ليه ؟؟؟
يلا بقى اهه الواحد يكون عمل اللى علية
سلام
قال منتدى قال 
_________________
اذا أردت شيئا بشدة....فأطلق سراحه....فان عاد اليك....فانه ملك لك الى الابد....وان لم يعد ....فهو لم يكن لك من البداية. |
|
Admin
Admin
 
العمر : 22
سجّل في : 30 أغسطس 2007
عدد المساهمات : 423
| | موضوع: رد: هى الناس فين....!!!! الأربعاء يوليو 23, 2008 11:48 pm | |
| و الله المنتدي انا عملته بعد ما اتخرجت و زي ما انتا شايف كانت كلها جهود ذاتية في اني اجيب اعضاء جدد
لكن الحمد واضح انك نورت من غير حاجة
انتا عارف الدنيا مشاغل
بس انا معاك فعلا لازم علي الاقل الواحد يبص علي المنتدي و يوقل ازيكم علي الاقل
ياله مش مهم قلبت علينا المواجع
كانو عايزين منتدي و اديه اتعمل .. فين بقي الاعضاء ؟
تسلملي و ياريت متتحولش زيهم بعد فترة |
|
مهند محاصيل
 
العمر : 22
سجّل في : 30 أغسطس 2007
عدد المساهمات : 22
| | موضوع: رد: هى الناس فين....!!!! الجمعة أغسطس 15, 2008 7:02 pm | |
| مساء الخيييييييييييييييييييير...... ازيك ياسلطان؟؟ والله واحشنى انتا والكلية والدفعة.. فعلا ياسلطان عندك حق.. مشاغل... على فكرة انا ببقى عايز اعيط لما افتكر ايام الكلية ولا لما اشوف صورة من صور الكلية ايام الدراسة..
_________________
العلم لا يُكيَل بالبتنجان |
|
مهند محاصيل
العمر : 22
سجّل في : 30 أغسطس 2007
عدد المساهمات : 22
| | موضوع: رد: هى الناس فين....!!!! الجمعة أغسطس 15, 2008 7:04 pm | |
| نسيت اقول حاجة مهمة... انا شايف ان المنتدى ده مش مجرد منتدى للاغانى والرغى والحوارات أد ماهو منتدى كان معمول اساسا لتخليد ذكرى دُفعة وأيام دراسة كانت من اجمل الايام فى حياتنا كلنا (دُفعة 2007)
_________________
العلم لا يُكيَل بالبتنجان |
|
Admin
Admin
العمر : 22
سجّل في : 30 أغسطس 2007
عدد المساهمات : 423
| | موضوع: رد: هى الناس فين....!!!! الأحد أغسطس 24, 2008 10:43 pm | |
| | مهند محاصيل كتب: | | نسيت اقول حاجة مهمة... انا شايف ان المنتدى ده مش مجرد منتدى للاغانى والرغى والحوارات أد ماهو منتدى كان معمول اساسا لتخليد ذكرى دُفعة وأيام دراسة كانت من اجمل الايام فى حياتنا كلنا (دُفعة 2007) |
قولت كلمة في الجون انتا يا صاحبي ..::..
و ان شاء الرحمن المنتدي برده يجمعنا زي كل مرة و ان شاء الرحمن حنعرف نلتقي برده علي الصفحات هنا |
|
مهند محاصيل
العمر : 22
سجّل في : 30 أغسطس 2007
عدد المساهمات : 22
| | موضوع: رد: هى الناس فين....!!!! الأربعاء أغسطس 27, 2008 2:40 am | |
| أبو السلاطين... واحشنى والله.. انا مش فاهم الدُفعة راحت فين؟؟ ياجدعان عايز اشوفكوا.. والله انا حاسس انهم لو سألونى وقالولى نفسك فى ايه قبل ماتموت.؟. هقولهم: نفسى يوم واحد من ايام الكلية يرجع...اصحى الصبح بدرى انزل الكلية.. اوصل هناك على الساعة سبعة.. انزل بطن الزير اشترى كوباية شاى من عند عم فريد اللى عند الورشة تحت.. واحضر محاضرة فى مدرج اتنين.(اكيد هتكون محاضرة امراض نبات أو حشرات).. وبعدين اطلع منها على سيكشن عندنا فى محاصيل.. وبعدين اطلع من السيكشن اشترى كوباية شاى من عند عم فؤاد(اللى عند انتاج حيوانى) واتنين هوهوز... الله يمسيه بالخير.. والله واحشنى أوى(أنا اقصد عم فؤاد اللى واحشنى مش الهوهوز)..وبعدين اقعد شوية قُدام قسم ألبان مع الواد الرشيدى وأرمى والشلة الجميلة دى.. لغاية المغربية كده.. ويعدين اطلع اتمشا شوية فى شارع بورسعيد لغاية المجمع النظرى وأركب من شارع سوتر المشروع و أروَح.. شارع بورسعيد كان جميل أوى بليل.. سلطان ده رقم موبايلى:0102716879... ياريت لو تتصل بيا عشان والله رقم موبايلك مش عارف راح منى فين.. ولا اقولك.. اكتبلى رقم موبايلك هنا وانا هتصل بيك.. انتوا فيه ايه ياجدعان هى كانت معرفة مصلحة ولا ايه؟؟
_________________
العلم لا يُكيَل بالبتنجان |
|
